الريادة في مصر أيفينت هدفه تشجيع الأفكار المبتكره في مجال ريادة الأعمال

“الفكرة” هي أول عنصر بيتم طرحه عند التكلم عن أى مشروع، هي الأساس والبداية اللي كل ما كانت قوية كل ما كان اللي هيتبني عليها بعد كده قوى وصلب. الفكرة هي اللي بتحول أى مشروع لكيان صلب مافيش أى تحدي يقدر يهزه أو يهده.
الفكرة زى ما هي الأساس لكن مش كل حاجة، الفكرة القوية محتاجه توجيه وتعلم وصبر لتحقيق طريقها عشان تتحول لنجاحات كبير.
“مصر الريادية – ماضِ عظيم لمستقبل مشرق” بالشراكة مع مؤسسة StartEgypt – مصر تبدأ هو أيفينت هدفه تشجيع الأفكار المبتكره في مجال ريادة الأعمال لتتحول لقصص نجاح كمشرعات كبيرة. هيسعدنا إستضافه “مايكل أوشيه” واحد من أنجح رواد الأعمال في الوقت الحالي.
مايكل أوشيه هو رجل أعمال وهو صاحب شركة Kerten وسلسلة فنادق Cloud 7. مايكل أوشيه بدأ رحلته كرائد أعمال وخلال الإيفينت هيشاركنا رحلته في مجال ريادة الأعمال بداية من الإستثمار في مجالات متعددة منها الملابس والعقارات حتي إنشاؤه لواحده من أكبر سلاسل الفنادق في أوروبا وإمتلاكه واحد من أكبر مصانع الشيكولاتة في تركيا. خلال الأيفينت أيضاً هيتم تسليط الضوء على مجتمع ريادة الأعمال في مصر من خلال عمل حلقة نقاش بين رواد الأعمال الشباب من الأعمار المختلفة للتكلم عن المشهد الحالي لمجتمع ريادة الأعمال في مصر بين الفرص، التحديات، الأفكار والمشروعات المختلفة اللي بتخلق بيئة حيوية في مصر.
حلقة النقاش هتضم نموذج من رواد الأعمال الشباب من قطاعات مختلفة في مجال ريادة الأعمال إما أستفادوا من فرص عديدة في المجال للنمو، يعملوا على توفير فرص لرواد الأعمال الصغار أو بيوفروا مساحات لمساعدة رواد الأعمال الصغار على العمل والأبداع في بداية مشوارهم.
هيكون معانا حسن منسي: المدير التنفيذى لمؤسسة “مصر تبدأ”، محمد ناجي: مؤسس “المقر” وهي مساحة عمل مشتركة، رشا راضي: شريك مؤسس للشركة الناشئة “شفاء” وستقوم بإدارة حلقة النقاش روان بسام: مدير المجتمع بStartup Haus Cairo.

الأيفينت هيفيد كل أصحاب الأفكار والمهتمين بمجال رايدة الأعمال، أصحاب المشروعات الناشئة والمستثمرين من خلال توفير فرصة للتواصل وتبادل الخبرات وإتاحة فرص جديدة في مجال ريادة الأعمال الي جانب مقابلة “مايكل أوشيه” والاستفادة من خبرته في مجال ريادة الاعمال علي مر السنين.

يوم الأتنين، 29 أكتوبر في مكتب تطوير مصر في القاهرة الجديدة: 75 شارع التسعين: https://goo.gl/maps/EoECbZXfGtD2
الحضور: مجاناً
العدد محدود، عشان تقدروا تحضروا سجلوا من خلال اللينك ده وهيتم إرسال إيميل تأكيد لكل اللي هيحضروا الإيفينت فقط: https://goo.gl/forms/LsqUnLmqFZdgJlJD2