أخباراقتصاد عربيعام

معسكر ابتكارات القاهرة للتفكير الإبداعي للشباب YLP

معسكر ابتكارات القاهرة للتفكير الإبداعي للشباب زي ما وعدناكم بمشروعات كبيرة خلال الفترة القادمة .. واللي بإذن الله هتلف محافظات مصر المختلفة ..

لو انت رائد اعمال او قائد فعال فى مجتمعك او عايز تكون من رواد التغيير لمواجهة تحديات التنمية اللى بتواجه الدول العربية .. فجتلك الفرصة علشان تشارك وتستفيد وكمان تفيد خلال مشروع “برنامج القيادات الشبابية” (YLP) اللي أطلقه البرنامج الإقليمي لبرنامج الأمم المتحدة الإنمائي.

ما هو YLP؟
————-
برنامج اقليمى يهدف إلى بناء جيل من القادة الشباب والمفكرين والمبدعين وصانعي التغيير في المنطقة العربية و تهيئة بيئة للشباب والبنات في المنطقة العربية تمكنهم أن يزدهروا كفاعلين فى المجتمع ، وتمكينهم من تسريع تنفيذ أهداف التنمية المستدامة من خلال القيادة ، والابتكار الاجتماعي ، وتنظيم المشاريع ، والتكنولوجيا.

هيتم تنفيذ معسكرات الابتكار في محافظات مصر المختلفة بالتعاون مع وزارة الشباب والرياضة ومركز دندرة الثقافي لخلق فرص بديلة للشباب وتحقيق التغيير المجتمعى.

وأول محطة للبرنامج هتكون في ( محافظة القاهرة)
خلال الفترة من 23 وحتى 25 يونيو
من 10 صباحاً ل 5 مساءً
معادا يوم 25 هنخلص 4 عشان تلحقوا الماتش 

مين ممكن يشارك في المعسكر؟
1- الشباب من سن 18 وحتى 29سنة
2- من القاهرة أو يقدرو يتواجدو في مواعيد التدريب يوميا في المحافظة
3- من لديهم القدرة على تحويل الحلول الإبداعية إلى مبادرة مجتمعية وتنفيذها
4- الالتزام بحضور أيام المعسكر كاملة ومتابعة تنفيذ وتطبيق المشروع بعد انتهاء المعسكر

هتستفاد ايه من المعسكر ؟
– هتتعلم استخدام التفكير التصميمى فى حل المشكلات وهو طريقة للتفكير الابداعى من خلالها بندرس المشكلات من وجهة نظر الشخص اللى بيعيشها وبتساعدنا على التعرف على ابعاد المشكلة بشكل أفضل وبالتالى نقدر نوجد لها حلول مبتكرة ومناسبة للفئة المستهدفة.
– الخروج بفكرة مشروع او Business تحل مشكلة بشكل مبتكر وبإستخدام اساليب ابداعية فى التفكير.
– هتساعد فى حل مشكلات المجتمع وتكون من القادة الفاعلين والمبتكرين ورواد الاعمال.
– مصر بتسعى لتطبيق اهداف التنمية المستدامة عشان كدة هنتتعلم ازاى تحقق أهداف التنمية المستدامة من خلال ريادة الاعمال المجتمعية، وهي دعوة عالمية للعمل من أجل القضاء على الفقر وتحقيق المساواة بين الجنسين وضمان تمتع جميع الناس بالسلام والازدهار.

خليك رائد للتغيير في مجتمعك وشارك في معسكر الابتكار بالقاهرة
للتسجيل ادخل على اللينك ده
https://bit.ly/2JnuNX0
** وهيتبعت للمقبولين ايميل تأكيد قبولهم ، اتأكد انك كاتب الايميل بطريقة صحيحه اثناء التسجيل