#عزيزي_المواطن هل انت ذاهب للانتخابات ام لا فكر اولا لمصلحه من لاتدلي بصوتك

كتبت ايمان الواصلي

???? اللي مقموص و مش عايز ينزل عشان برطمان الصلصة بقى ب 8 جنيه ..

???? اللي واخد على خاطره عشان شايف الانتخابات مسرحية و مافيش منافسين للسيسي ..

???? السيسي نازل قدامه منافسين كتير بس انت اللي مش واخد بالك و في شوية صلصة مشلفطينلك وشك و عاملينلك عشى ليلي في عينك
.. تعالى بس أما أقولك ..

⚔ السيسي نازل قدامه اوردوغان و أطماعه التوسعية في استعادة امجاد دولة الخلافة على حساب أرضك و بلدك

⚔ السيسي نازل قدامه تميم و مؤامرته الدنيئة لإسقاط مصر ..

⚔ السيسي نازل قدامه الإخوان و تنظيمهم الدولي بخططه و أكاذيبه و مؤامراته القذرة ..

⚔ السيسي نازل قدامه ايران و أطماعها في السيطرة على الأزهر ..

⚔ السيسي نازل قدامه الصهاينة و أطماعهم في سينا و النيل و قناة السويس ..

⚔ السيسي نازل قدامه أمريكا و أطماعها الإستعمارية و الاقتصادية في الشرق الأوسط ..

⚔ السيسي نازل قدامه حماس الإرهابية و أطماعها في وطن بديل للفلسطينيين على أرض وطنك ..

⚔ السيسي نازل قدامه داعش و أطماعهم في دولة ارهابية دينية اطلقوا عليها اسم ولاية سينا ..

⚔ السيسي نازل قدامه نشطاء الغبرة و شمامي الكلة اللي عايزين يبيعوا البلد و يقبضوا بالدولار ..

⚔ السيسي نازل قدامه البيروقراطية و الفساد و المحسوبية و العشوائيات اللي مش عايزة البلد تقوم و لا تنهض ..

⚔ السيسي نازل قدامه منافسين كتير بس انت اللي عشان مقموص مش شايف قدامك غير برطمان الصلصة ..

???? فيا إما تنزل و تقول لأ لكل دول ..

???? يا إما خليك قاعد جوة البرطمان بس اقفل عليك الغطا كويس ..